對的時間, 遇見對的人, 是一生幸福.

對的時間, 遇見錯的人, 是一場心傷.

錯的時間, 遇見錯的人, 是一段荒唐.

錯的時間, 遇見對的人, 是一聲嘆息.

究竟現在是什麼時間 ?


今日決戰忠義街, 我九點半上車, 係山區行一陣, 之後駕車出九龍塘, 十點幾到九龍塘, 師傅叫我下車, 佢行一次決戰路線給我看, 忠義街有兩條路線, 路線A係長線, 路線B係短線, 路線A我比較熟悉, 因為學車人士可以駛入, 但有一部份路線B係學車人士不准駛入, 所以我對路線B比較陌生.

車頭前有兩罐寶礦力, 師傅話考車前飲有用, 可以提神, 師傅叫我飲, 佢話之前有個學生考車前唔飲, 到考車時, 係路口無睇清楚就出車, 比考牌主任一腳踏停, 結果肥佬. 我聽後好自然拿起一罐寶礦力飲了三份二.
師傅行完兩條路線, 駛回試場, 我入試場中心報到. 之後我上番車等考牌主任. 經歷兩次考牌唔及格, 我今次決戰成功的信心其實唔高(最有信心係第二次, 可惜係關鍵時刻發夢….), 係等待途中, 我將剩餘三份一的寶礦力飲完, 考牌主任亦上車, 今次個考牌主任戴黑超, 幸好我對他說早晨, 佢都有回應(其實想同佢講句Bonjour, 唔知佢會有咩反應…). 佢check完我張身份証和學習駕駛執照後, 叫我開車, 我發現佢無配戴安全帶, 我好有禮貌叫佢戴安全帶. 做完一輪扮野動作後(check中鏡, 拉實安全帶…etc.), 我望鏡, 望盲點, 打燈出車, 一出車已經要落斜, 我用二波落斜都好似行得好快, 係第一個路口停車, 望清楚路口無車才出車(平日早上11點, 條路唔係好多車), 心裡覺得第一個路口都ok, 之後一段平路, 上三波, 之後要收慢, 望中鏡, 望盲點, 打燈轉線, 之後落斜用二波, 好快到達班馬線前, 我離遠見到有個阿婆企係班馬線前, 我係班馬線前停車讓阿婆過, 但係阿婆仍然企係度, 仲揮手叫我過, 我再望清楚無人過班馬線就繼續行, 我見到考牌主任用手攬住張分紙, 我無理佢, 然後到達T字路口, 要轉右. 這個路口都好順利(望右望左再望右, 竟然無車..連遠處巴士站都無巴士….), 我出路口期間見到考牌主任望左邊, 幸好都係無車, 之後一段微微上斜路, 前面都係無車, 都幾順, 然後聽到考牌主任話前面路口轉右, 我回應佢一句”知道”後, 心裡即刻沉, 前面路口轉右即係考路線B, 我之前行都無行過, 係斜路三波轉二波, 到達路口仍然係綠燈, 我見對面線有私家車衝緊落, 我駛入路口轉右個箭袋位然後停車. 望清楚對面線無車(好鬼驚, 因為要斜路開車, 幸好無溜後, 車亦無cjock), 然後轉右入直路.

轉入直路後, 已經見到前面有死車, 我想打燈過死車, 但望對面線有對頭車行緊, 對面線亦有死車, 我最後選擇停車, 等對面線無車行, 我打燈抽頭過死車, 過死車過程都順利, 好快到達路口, 條路都無乜車, 過路口後, 到達之前條班馬線, 條班馬線一個人都無, 連之前個阿婆都唔見左, 我慢駛過完班馬線, 到達T字路口, 今次要轉左, 轉左過程都係無車, 之後一條上斜直路, 前面死車都無, 好快駛番試場.

番到試場, 做完一連串停車動作後, 同考牌主任講”唔該 sir”, 等考牌主任落車後, 我落車. 今次落車的心情比上兩次落車的心情複雜. 第一次考完落車, 好似發左場夢. 第二次考左三份一都知自己唔合格, 所以落車好輕鬆, 今次整個考試過程都幾順利, 起碼無比考牌主任一腳踏停, 我覺得順利但唔知個考牌主任點諗……

我入試場中心等成績, 等了一陣, 試場主任叫我名…….我望分紙……決戰成功(及格).

最後多謝師傅, 學車過程都好輕鬆, 師傅講笑話真係好笑, 令我學車無乜壓力. 今次決戰成功, 終於可以有車牌, 但應該唔會咁快買車. 今次個車牌算係自己一年一目標的結果, 上年係大學畢業, 今年係車牌, 下年唔知會是什麼呢….

Carina, 兩年沒有聯絡, 她回港兩個月, 兩星期前再聯絡上, 兩日前相約看戲<<魔幻星麈>>, 歐洲大陸古代科幻故事, 星星, 巫婆, 人類王子, 法術, 人物交錯, 地方交錯, 時空交錯, 壞人物被消滅, 大團員結局. 看的是特技, 看的是風景, 看的是對古代一種迷思, 看的是戲.

她沒什麼改變, 樣貌沒變, 性格沒變, 頭髮顏色沒變. 戲裡的星星開始散發星光, 星光將時間停頓在2004年, 地點不再是香港, 背景不再是歐洲大陸. 是一個沙漠, 一架旅遊巴上, 一個沙漠上的夜空, 繁星流動, 星座與星座的距離接著星座與星座的接近, 星光照射在車上兩個睡覺的人. 一束光線從地平線上射向旅遊巴的車窗上, 反射出一團白光. 地點不再是旅遊巴上, 背景不再是沙漠, 是香港, 時間是2007年, 一切都回到了起點.

又一次張敬軒, 近期他都幾紅, 推出了第2張廣東大碟 「酷愛」 (未買, 唔知買唔買好), 又開了幾次音樂會. 聽聞佢下年會係紅館開演唱會. 兩張廣東大碟加起都有20首歌, 再加上之前推出了幾張國語大碟, 歌曲數量應該足夠在紅館開演唱會, 如果消息是真的, 我一定會去欣賞.

暫時我最喜歡他的歌是「無能為力」和「分手前的雨天」. 但係唱K場點解無「分手前的雨天」!!!!!

有傳聞話佢患有考喘, 但唱歌都好好聽, 所以患有考喘應該對唱歌無大影響, 咁我都應該可以唱得好好聽.

Cookie n年前的一首歌. 好有節奏, 一邊看她們四個跳, 一邊聽首歌, 我個身體和頭跟住節奏一路搖.
她們真係跳得幾好, 舞步幾特別. 每人單獨唱一兩句, 其他三個和唱. 個舞步好配合首歌.
最喜歡有一段她們四個一齊舉起左手指向左面, 垂直跳幾下, 再換右手指向右面, 做得好齊.
現在她們四個各自發展, 唔知幾時可以再次欣賞她們跳唱一擊即中.

[youtube=http://www.youtube.com/v/WsgM6w9qp1o]


放工後由中環乘船到尖沙咀. 天星碼頭變得很特別, 十九世紀的外形設計, 包含廿一世界的科技. 我們集體回憶的究竟是從前建築物的外殼, 還是建築物內裡的靈魂.

帶著外殼與靈魂走進港威中心一間法國餐廳. 跟隨待應走到預先訂好的位置坐下. 餐桌上放置一枝蠟燭, 今夜原來是燭光晚餐.

大家很久沒有見面, 已經一年半. 外面的世界在年半內變得很快, 但她沒有什麼改變, 只是她的手指上多了一個小玩意. 而我還未找到小玩意. 她問我她今晚有幾多分, 我說: “七十分”.

一餐晚飯的時間過得很快. 她駕車送我到附近的小巴站. 下車時我向她說了一句: “我們一定會再見.” 心裡說了一句: “妳今晚是九十九分.”


聽張敬軒的廣東大碟 “笑忘書”. 我一向很喜歡他的歌, 以前的 “斷點”, “無能為力”, “Hurt So Bad”, “分手前的雨天”…etc. 我都好喜歡.

晚上途經葵芳新都會廣場, 看見兩個人. 地震過後, 每個人心裡都會有點餘震, 不過很快會無事. 今次餘震, 唔知點解, 震得有點開心.

餘震 — 張敬軒

“離去的 如廢墟中得救光榮地脫身
遺棄的 任水深跟火熱撲向一個人
共妳再戀早知是餘震 讓重傷的心再添缺憾
還剩低的寄望最後也犧牲

#妳的吻 像龍捲風吹過 怎可對抗這吸引
身貼身 如海嘯沖擊我 使我向下沉
再走近 是我完全難自禁
就算知道實在太愚笨 到底一刻也算是緣份#

天地淪陷 餘震是痛苦中 一絲興奮

懷緬的 如美景一幅那災情未發生
期盼的 是彼此不傷害卻已不可能
共妳再戀早知是餘震 讓重傷的心再添缺憾
還剩低的寄望最後也犧牲

REPEAT#

仍然願靠近 誰又理朦朧夜裡 天沉地暗

REPEAT#

天地淪陷 餘震是浸沒痛苦中 一絲興奮
餘震是靠在妳掌心 永遠被困”


每日搭車或工作的時候, 我都會好自然細細聲咁唱歌.
最近兩個月在客戶的公司裡做project, 我唱得最多就係以下呢首:

愛情影畫戲 — 黎明

“明明是愛妳 最喜歡妳
情人妳似最美那齣影畫戲 
為何沒法向妳 說出一句半句
在內心彷要放棄
明明是愛妳 暗中想妳 
情人眼裡最美那齣影畫戲
唯求讓我永遠 每一天去細看
在夢中親妳 吻妳
夜闌靜靜游在淡淡眼眸
天空千億星塵風裡伴奏
一個痴心如驟落在妳心逗留
求影畫可變真 情人情人不知
暗暗愛妳 那天開始
唯求情人妳有天可以
欣賞這個痴心漢子
求影畫可變真 情人情人可知
愛妳愛妳 沒法終止
求明瞭傻漢子 請不要懷疑
藏在心底(我心)詩意   Woo…”


畢業典禮於今日舉行. 一早準備好. 12點到典禮場地. 已經有好多畢業生影相. 我都影左幾張相. 之後我要去rehersal.

典禮2點正舉行, 首先全體起立, 播校歌, 之後播國歌(唔知點解會播國歌, 如果我十年前畢業可能無需要聽.)

逐個學士畢業或榮譽學士畢業生上台, 等了n個人終於到我, 這一刻真係有今生唔知有無來世.

原來護理系的女同學幾beauty, 我讀左咁多年都唔覺.

典禮完結後繼續影相. 影相之後睇墨攻, 套戲都幾好睇.
晚飯食牛扒餐, 其實我有什麼想慶祝都好想食牛扒. 扒餐後去睇影碟.

畢業日終於完結.


最近工作時常OT, 已經連續兩星期在客戶渡過. 雖然project delay又delay, 但都算入左門欖.
 
已經十一月, 生日將至.
 
將黎明新作”Looking”, 播完又播. 天王的封號是別人給的, 但實力是無得扮作, 這麼多年始終沒有令支持者失望.
 
不需要刻意跟著他的步伐走, 只需要細心欣賞他做的一切. 這就是我支持他的一種態度.
leonlooking.jpg

Next Page »